మంచిర్యాల,జులై 01:ప్రతి మనిషి జీవితంలో ఆరోగ్యం అత్యంత విలువైన సంపద.ఆ సంపదను కాపాడేందుకు నిరంతరం శ్రమించే వైద్యుల సేవలు వెలకట్టలేనివి.రోగి ప్రాణాలను కాపాడడమే లక్ష్యంగా,కష్ట సమయంలో అండగా నిలుస్తూ వైద్యులు సమాజానికి అందిస్తున్న సేవలు ఎప్పటికీ మరువలేనివి.ప్రతి రోజూ ఎన్నో సవాళ్లను ఎదుర్కొంటూ వైద్యులు తమ వృత్తి ధర్మాన్ని నిర్వర్తిస్తున్నారు.ఆసుపత్రుల్లో గంటల తరబడి సేవలందిస్తూ,అత్యవసర పరిస్థితుల్లో తక్షణ నిర్ణయాలు తీసుకుంటూ ఎన్నో కుటుంబాల్లో ఆనందాన్ని నింపుతున్నారు.వైద్యం కేవలం ఒక వృత్తి మాత్రమే కాదు!అది మానవత్వంతో కూడిన బాధ్యత.జాతీయ వైద్యుల దినోత్సవం సందర్భంగా వైద్యుల సేవలను స్మరించుకోవడం,వారి అంకితభావానికి కృతజ్ఞతలు తెలియజేయడం మన అందరి బాధ్యత.ముఖ్యంగా ప్రపంచవ్యాప్తంగా ఎదురైన ఆరోగ్య సంక్షోభాల సమయంలో వైద్యులు ముందుండి చేసిన సేవలు వారి గొప్పతనాన్ని చాటాయి.రోగికి చికిత్స అందించడంతో పాటు,వారిలో ధైర్యాన్ని నింపడం,ఆరోగ్యంపై అవగాహన కల్పించడం,ప్రజల జీవితాలను మెరుగుపరచడం వంటి ఎన్నో విధాలుగా వైద్యులు సమాజానికి సేవ చేస్తున్నారు.వైద్యుల చేతుల్లో ఎన్నో ప్రాణాలు భద్రంగా ఉంటాయి.వారి జ్ఞానం,నైపుణ్యం,సేవా భావం సమాజానికి ఎంతో అవసరం.అలాంటి సేవామూర్తులకు గౌరవం ఇవ్వడం మన కర్తవ్యం.జాతీయ వైద్యుల దినోత్సవం సందర్భంగా ప్రజల ఆరోగ్యం కోసం అహర్నిశలు శ్రమిస్తున్న ప్రతి వైద్యుడికి హృదయపూర్వక శుభాకాంక్షలు మరియు గౌరవ వందనం…
బి.సతీష్ కుమార్
జర్నలిస్ట్ & ఆర్టిఐ(విస్)జిల్లా కోఆర్డినేటర్
